इगतपुरीनामा न्यूज, दि. १६
मुंबई आग्रा महामार्गावर आज सकाळी पावणेदहा वाजता नासिक मुंबई लेनवर जिंदाल कंपनीच्या गेट समोर पायी चालणाऱ्या व्यक्तीला नाशिककडून येणाऱ्या कारने धडक दिली. यावेळी झालेल्या अपघातात १ जण गंभीर जखमी झाला. जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड यांनी समयसुचकतेने अपघातस्थळी दाखल होऊन जखमीला नाशिकच्या शासकीय रुग्णालयात दाखल केले.
संजय विष्णू खोकले वय -40 रा. गरुडेश्वर ता इगतपुरी हा व्यक्ती रस्ता ओलांडत असताना नासिक बाजूकडून येणारी कार क्रं. MH 14 CL 0016 हिने त्यांना ठोस मारली. कारचालक अपघात करून ह्या व्यक्तीला गंभीर जखमी केल्यानंतर मुंबई बाजूकडे पळून गेला. कारचालक नितीन गंगाधर मोरे वय 35 वर्ष रा. मखमलाबाद नासिक याला घोटी पोलीस स्टेशनचे हद्दीत पकडण्यात आले आहे. मागील आठवड्यात ४ जणांचा आणि कालच एकाचा अपघात होऊन बळी गेला आहे. मुंबई आग्रा महामार्ग अपघातांचा केंद्रबिंदू ठरत आहे. संबंधितांनी अपघाती ठिकाणांवर फलक लावावेत अशी नागरिकांनी मागणी केली आहे.
