इगतपुरीनामा न्यूज दि. ५ :
उत्तर महाराष्ट्र, मुंबई,ठाणे, पालघर, कोकण, नगर येथील भाविकांचे श्रद्धास्थान आणि इगतपुरी तालुक्याचे आराध्य दैवत श्री घाटनदेवी मंदिर येथील आगामी नवरात्र उत्सव बाबत प्रांताधिकारी तेजस चव्हाण यांच्या निर्देशानुसार बैठक संपन्न झाली. यावेळी तहसीलदार परमेश्वर कासुळे, पोलिस निरीक्षक वसंत पथवे, इगतपुरी नगर परिषदेचे मुख्य कार्यकारी अधिकारी पंकज गोसावी, महावितरण चे कनिष्ठ अभियंता साताळे, आरोग्य निरीक्षक यशवंत ताठे, विद्युत विभागाचे पवार, पाणी पुरवठाचे अमोल पवार, गोपनीय विभागाचे विजय रुद्रे, मंदिराचे विश्वस्त सतीश चांदवडकर, भारत साळी, ताराचंद भरिंडवाल, ओमप्रकाश तिवारी, राजेश गुप्ता, निलकमल रावत, अॅड. निलेश चांदवडकर, शांताराम रिखे, रामगोंविद यादव, शैलेश शर्मा, किरण फलटणकर, मंदिराचे पुजारी आदी उपस्थित होते. तहसीलदार श्री परमेश्वर कासुळे यांनी शासनाच्या मार्गदर्शक तत्वानुसार कोरोना मुळे फक्त दर्शन होणार असुन यात्रा भरविण्यात येणार नसल्याचे यावेळी सांगितले.
बैठकीचे सुत्रसंचालन किरण फलटणकर यांनी, प्रास्ताविक राजेश गुप्ता यांनी तर आभारप्रदर्शन ताराचंद भरिंडवाल यांनी केले.
