इगतपुरीनामा न्यूज, दि. २७
इगतपुरी तालुक्यातील नांदगाव बुद्रुक ते अस्वली रस्त्यावरील पुलाच्या वळणावर दोन मोटर सायकलींची समोरासमोर जोरदार धडक झाल्याने अपघात झाला. आज दुपारी अडीच वाजेच्या सुमाराला ही घटना घडली. ह्या अपघातात वाडीवऱ्हे येथील पतीपत्नी आणि आवळी येथील एक व्यक्ती असे तिघेजण गंभीर जखमी झाले आहेत. जगद्गुरू नरेंद्राचार्य महाराज संस्थान मोफत रुग्णवाहिकेचे रुग्णवाहक रुग्णमित्र निवृत्ती पाटील गुंड यांना अपघात झाल्याचे समजताच त्यांनी तातडीने गंभीर जखमींना धामणगाव येथील एसएमबीटी रुग्णालयात दाखल केले आहे. योग्य वेळेत उपचार मिळाल्याने जखमींचा जीव वाचला आहे.
MH 15 CF 2734 आणि MH 15 BQ 3768 ह्या क्रमांकाच्या मोटारसायकली नांदगाव बुद्रुक ते अस्वली रस्त्यावरील पुलावरून वेगाने जात होत्या. त्यांची आज दुपारी अडीच वाजेच्या सुमारास जोरदार धडक होऊन अपघात झाला. यामध्ये वाडीवऱ्हे येथील संजय महादू कातोरे वय 45, अनिता संजय कातोरे वय 30 आणि आवळी येथील शरद जमधडे वय 35 हे तिघेजण गंभीर जखमी झाले. अपघाताची माहिती मिळताच जगद्गुरू नरेंद्राचार्य महाराज संस्थान मोफत रुग्णवाहिकेचे रुग्णवाहक रुग्णमित्र निवृत्ती पाटील गुंड घटनास्थळी पोहोचले. त्यांनी या तिघांना धामणगाव येथील एसएमबीटी रुग्णालयात दाखल केले. वेळेत उपचार मिळाल्याने तिघांचा जीव बचावला.
