इगतपुरीनामा न्यूज – आरोग्य आणि पर्यावरण या चारही क्षेत्रांचा संगम घडवून इगतपुरीचे नगरसेवक भूषण जाधव यांच्या संकल्पनेतून इगतपुरी शहरातील गावठा येथे विविध प्रभावी उपक्रम राबवण्यात आले. पाणीदूत तथा मनसे नेते डॉ. मनोज चव्हाण यांच्या मार्गदर्शनाखाली जिल्हा परिषद शाळेतील विद्यार्थ्यांसाठी हे उपक्रम संपन्न झाले. मनसे नेते पाणीदुत मनोज चव्हाण, उद्योजक राजेश राठी, राज्य आदर्श शिक्षक प्रमोद परदेशी यांच्या सहकार्याने शाळेतील विद्यार्थ्यांना दप्तरांसह आवश्यक शालेय साहित्याचे वाटप करण्यात आले. विद्यार्थ्यांना शुद्ध व सुरक्षित पिण्याचे पाणी उपलब्ध व्हावे या उद्देशाने शाळेत आरओ वॉटर प्युरिफायर बसवण्यात आला. याचे उदघाटन इगतपुरीचे तहसीलदार अभिजित बारवकर, पोलीस निरीक्षक घनश्याम बळफ, वनविभागाच्या सविता ठाकूर यांच्या हस्ते करण्यात आले. यावेळी पर्यावरण संवर्धनाचा संदेश देत शाळा परिसरात “एक झाड आईच्या नावाने” या उपक्रमांतर्गत प्राणवायू देणाऱ्या वृक्षांचे वृक्षारोपण करण्यात आले. विद्यार्थ्यांमध्ये पर्यावरण जागरूकता निर्माण करण्यासाठी हा उपक्रम प्रभावी ठरला. यावेळी तहसीलदार अभिजित बारवकर, पोलीस निरीक्षक घनश्याम बळफ, वनविभागाच्या सविता ठाकूर, शिक्षण विस्ताराधिकारी प्रमोद चिंचोले, केंद्रप्रमुख विशाल सोनवणे, अनिस शेख, राज्य आदर्श शिक्षक प्रमोद परदेशी, मुख्याध्यापिका सायली बांबळे, शिक्षिका वैशाली गवारे, ज्येष्ठ नागरिक, पालक, शिवशक्ती मित्र मंडळ, सातसातक मित्र मंडळ, नवबुद्ध मित्र मंडळाचे पदाधिकारी, नगर परिषद व वनविभागाचे कर्मचारी आणि नागरिक मोठ्या संख्येने उपस्थित होते. नगरसेवक भूषण जाधव यांचा हा उपक्रम गावठा परिसरात कौतुकाचा विषय ठरला. विद्यार्थ्यांच्या चेहऱ्यावरील आनंद आणि समाजातील विविध घटकांचा सहभाग यामुळे हा कार्यक्रम संस्मरणीय ठरला. व्हिडीओ बातमी पहा https://youtube.com/shorts/9HTUwU0L4sw?si=XjCCe9EVVv9QgJCl
