इगतपुरीनामा न्यूज – इगतपुरी शहर परिसरात आज सकाळी भरदिवसा एका महिलेच्या गळ्यातील सोन्याची पोत दुचाकीवरून आलेल्या दोन अज्ञात चोरट्यांनी हिसकावून नेल्याची धक्कादायक घटना घडली आहे. या घटनेमुळे महिलांमध्ये भीतीचे वातावरण पसरले आहे. लता सोमनाथ काबरा वय ६५ ही महिला आपल्या मुलीसोबत सकाळी वाजेच्या सुमारास भारत गॅस एजन्सी समोरील रमाबाई कॉलनी जवळ पायी घरी जात होत्या. याच वेळी मागून एका दुचाकीवरून दोन तरुण आले. काही समजण्याच्या आत दुचाकीवर पाठीमागे बसलेल्या चोराने महिलेच्या गळ्यातील सुमारे १६ ग्रॅम ७९० मिली ग्रॅम वजनाची सोन्याची पोत जबरदस्तीने हिसकावून घेतली. महिलेने आरडाओरडा केला, मात्र तोपर्यंत चोरटे दुचाकीवरून कॉन्व्हेंट स्कुलच्या दिशेने सुसाट वेगाने पसार झाले. घटनेची माहिती मिळताच इगतपुरी पोलीस ठाण्याचे पथक घटनास्थळी दाखल झाले. पोलिसांनी परिसरातील सीसीटीव्ही फुटेज तपासण्याचे काम सुरू केले असून, चोरट्यांचा शोध सुरु करण्यात आला आहे. या प्रकरणी इगतपुरी पोलीस ठाण्यात गुन्हा दाखल करण्यात आला आहे. व्हिडिओ बातमी पहा https://youtube.com/shorts/aX-XtX4U8_g?si=SzGTuPvVchfYrqQn
