इगतपुरीनामा न्यूज – नाशिक ग्रामीण पोलीस अधीक्षक बाळासाहेब पाटील, अप्पर पोलीस अधीक्षक आदित्य मिरखेलकर यांच्या मार्गदर्शनाखाली अवैध दारू निर्मिती /विक्री करणाऱ्यांवर धडक कारवाई सुरु आहे. आज स्थानिक गुन्हे शाखेचे पोलीस निरीक्षक दत्तात्रय शिंदे यांच्या बातमीनुसार आज धडक कारवाई करण्यात आली. इगतपुरी तालुक्यातील वाडीवऱ्हे मुळेगाव, मोराचीवाडी, घोटी भागात आज ही कारवाई यशस्वी करण्यात आली. आज पहाटे ५.३० वाजेपासून पोलिसांनी ८ ते १० किमी जंगलात पायी चालत जाऊन गावठी हातभट्ट्या तोडून २ गुन्हे दाखल केले. मुळेगाव अंजनेरी डोंगर येथील जंगलातील दुर्गम भागातील गावठी दारू बनवणाऱ्या हातभट्टीवर स्थानिक गुन्हे शाखा पोलिसांनी शोध घेत छापा टाकला. यात गावठी दारू बनविण्यासाठी सडवलेले रसायन, गावठी तयार दारू, हातभट्टी, गुळ असे ५ लाख ५० हजार किमतीची दारू पोलिसांनी यावेळी नष्ट केली. वाडीवऱ्हे व घोटी पोलीस ठाण्यात आज अवैध दारू बाबत २ गुन्हे दाखल करण्यात आले. यापुढेही ही मोहीम अशीच सुरू राहणार असून कुठे दारू तयार अथवा विकली जात असेल तर तात्काळ पोलिसांशी संपर्क साधावा असे आवाहन करण्यात आले आहे. ह्या कारवाईत पोलीस निरीक्षक दत्तात्रय शिंदे, उपनिरीक्षक सुदर्शन बोडके, प्रकाश भालेराव, पोलीस हवालदार प्रविण काकड, रावसाहेब कांबळे, संदीप नागपुरे, नवनाथ शिरोळे, सचिन धारणकर, संदीप कडाळे, केतन कापसे, आबा पिसाळ, हळदे, आदी सहभागी होते. या सर्वांचे पोलीस अधीक्षक बाळासाहेब पाटील यांनी अभिनंदन केले आहे.
