इगतपुरीनामा न्यूज – इगतपुरी येथील राष्ट्रमाता जिजाऊ नगर येथे राष्ट्रमाता राजमाता जिजाऊ माँ साहेब, क्रांतिज्योती सावित्रीबाई फुले, माता रमाई आंबेडकर, अहिल्यादेवी होळकर व फातिमा शेख यांचा संयुक्त जयंती महोत्सव उत्साहात संपन्न झाला. यावेळी जिजाऊ नगरचा १७ वा वर्धापन दिन कार्यक्रम साजरा करण्यात आला. नगरसेविका वंदना रोकडे, आशा भडांगे, माजी नगरसेविका शोभा भराडे उपस्थित होते. यावेळी माजी नगरसेवक सुनील रोकडे, निशा पंडित, प्रल्हाद गायकवाड यांनी समाजप्रबोधनात्मक विचार मांडले. कार्यक्रमात कु. श्रेया इंगळे, अनिशा रुपवते, शब्बो अन्सारी या बालिकांनी ‘आम्ही जिजाऊंच्या लेकी’ या गीतावर मनोहारी नृत्य सादर करून उपस्थितांची दाद मिळवली. सूत्रसंचालन विलास इंगळे यांनी केले. जिजाऊ, सावित्री, रमाई बहुउद्देशीय महिला मंडळातर्फे कार्यक्रमाचे आयोजन करण्यात आले होते. कार्यक्रमाच्या यशस्वीतेसाठी वैशाली इंगळे, छाया पवार, मिना यादव, शांतीदेवी चंदेल, मिना बाविस्कर, निशांत पवार, गौरव कासार, राजेंद्र वाकले यांनी परिश्रम घेतले.