इगतपुरीनामा न्यूज – भारतीय राष्ट्रीय राजमार्ग प्राधिकरण आणि इगतपुरी हायवे प्रा. लि. यांच्या वतीने सडक सुरक्षा जिवंत रक्षा या नावाने रस्ता सुरक्षा सप्ताह सुरू झाला आहे. यानिमित्त इगतपुरी हायवे प्रा. लि. यांच्या वतीने दररोज रस्ता सुरक्षा सप्ताहानिमित्त कार्यक्रम आयोजित करण्यात येत आहे. कार्यक्रमाच्या माध्यमातून जनजागृती करण्यात येत आहे. या जागृतीमुळे रस्त्यावर अपघाताचे प्रमाण कमी होण्यास मदत होणार आहे. कोणत्याही प्रकारची जिवित हानी होणार नाही यासाठी सुरक्षा प्राधान्य समजून सांगण्यात येत आहे. दुचाकीस्वाराला हेल्मेटचे फायदे सांगणे, सीट बेल्टचे फायदे, ड्रिंक अँड ड्राइव बद्दल माहिती, वाहनचालकांसह सर्वसामान्य नागरिकांची आरोग्य तपासणी आणि नेत्र तपासणी करण्यात येत आहे. इगतपुरी हायवे प्रा. लि. चे हेमंत कुमार, विजय भास्कर, शामसुंदर टेलर, विवेक शर्मा, अर्जुन वसावा, घोटी टोलचे योगेश भडांगे, पडघा टोलचे ब्रिजेंद्र सिंग उपस्थित राहून परिश्रम घेत आहेत. बिर्ला आय हॉस्पिटल नाशिककडून नेत्र तपासणी एसएमबीटी हॉस्पिटलकडून आरोग्य तपासणी केली जात आहे. कार्यक्रमाच्या यशस्वीतेसाठी जुबेर शेख, आशिष शाहू, कल्पेश नंदावणे, घोटी, पडघा टोलचे सर्व कर्मचारी प्रयत्न करत आहेत. शहापूर पोलीस, घोटी टॅब, शहापूर वाहतूक शाखा यांचे महत्वाची सहकार्य आहे.
