इगतपुरीनामा न्यूज – १ ऑक्टोबरला इगतपुरी येथील कर्मवीर दादासाहेब गायकवाड नगर येथे रात्रीच्या सुमारास प्रेमसंबंधाच्या वादातुन सुनिल अनिल तावडे याच्यासह त्याचे चुलते प्रविण तावडे यांच्यावर जीवघेणा हल्ला झाला. याबाबत इगतपुरी पोलीस ठाण्यात येथे गु.र.नं. १८५/२०२५, भारतीय न्याय संहिता २०२३ चे कलम १०९,१९०, १९१(२), १९१ (३), १८९(२), ३३३, ३५२, ३५१(२), ३५१(३), सह शस्त्र अधिनियम १९५९ चे कलम ३/२५, आणि ४/२५ प्रमाणे गुन्हा नोंद करण्यात आला होता. या घटनेतील सराईत आरोपी १) कवु ऊर्फ फ्रान्सिस पॅट्रिक मॅनवेल रा. गायकवाड नगर, इगतपुरी, आणि त्याचे इतर साथीदार गुन्हा करुन पसार झाले होते. ह्या घटनेचे गांभीर्य लक्षात घेवुन इगतपुरी पोलीस ठाण्याच्या सिंघम पोलीस निरीक्षक सारिका अहिरराव यांनी तपासाची सुत्रे हाती घेतली. मिळालेल्या तांत्रिक माहितीचे विश्लेषण करुन तपास पथके तयार केली. राबवलेल्या शोध मोहिमेद्वारे अवघ्या ६ तासांच्या आत गुन्ह्यातील सराईत आरोपी १) कवु ऊर्फ फ्रान्सिस पेंट्रिक मॅनवेल रा. गायकवाड नगर, इगतपुरी, २) वसिम मुसा शेख, रा. गाकवाड नगर, इगतपुरी जि. नाशिक, ३) गुफरान सिकंदर शेख, रा. गायकवाड नगर, ता. इगतपुरी जि. नाशिक, ४) मिथुन जयचंद दुभाषे, रा. खैरगाव, अवचितवाडी इगतपुरी, नाशिक यांना अवघ्या ६ तासाच्या आत जेरबंद केले. असुन आरोपींनी गुन्ह्यात वापरलेला १ देशी बनावटीचा कट्टा त्यात ५ जिवंत काडतुसे, २ लाकडी मुठ असलेले लोखंडी कोयते, काळ्या मुठीचा चॉपर,काळ्या पिवळ्या रंगाची ऑटो रिक्षा क्रमांक एमएच १५ जेए १४९९, सिल्वर ग्रे रंगाची होंडा सिटी कार क्रमांक एमएच ४३ आर ८६२२ असा मुद्देमाल जप्त करण्यात आला आहे. ही उल्लेखनीय कामगिरी पोलीस अधीक्षक बाळासाहेब पाटील, अपर पोलीस अधीक्षक आदित्य मिरखेलकर, उपविभागीय पोलीस अधिकारी हरिष खेडकर यांच्या मार्गदर्शनाखाली पोलीस निरीक्षक सारिका अहिरराव, उपनिरीक्षक शैलेश पाटील, कांचन भोजने, सहा. उपनिरीक्षक गणेश परदेशी, हवालदार निलेश देवराज, विनोद गोसावी, विजय रुद्रे, निकुंभ, कासार, गवळी, मधे यांनी केली.
