इगतपुरीनामा न्यूज – कांचनगाव जिल्हा परिषद प्राथमिक शाळेत कन्सर्न इंडिया फाउंडेशनतर्फे विविध शालेय सुविधा करून देण्यात आल्या आहेत. यामध्ये शालेय इमारतीत शेड, विद्यार्थिनींसाठी शौचालय, सर्व वर्गांची फरशी, खिडक्या व खिडक्यांना ग्रील, शाळेचे रंगकाम, डिजिटल पेंटिंग, शाळेसाठी फर्निचर, किचनशेडचा मोठा ओटा आणि शाळेसाठी व्यासपीठ बांधून देण्यात आले. ह्या सर्व सुविधांचा लोकार्पण सोहळा संपन्न झाला. कार्यक्रमाप्रसंगी मुख्याध्यापिका रत्ना बागुल, शिक्षक नामदेव साबळे, जितेंद्र भदाणे, सुधाकर बाविस्कर, शिक्षिका सुरेखा गुंजाळ, सुनंदा जाधव, अनिता शिरसाठ, दत्ता साबळे, ग्रामस्थ, इंडिया फाउंडेशनचे सदस्य, विद्यार्थी, विद्यार्थिनी तसेच शालेय व्यवस्थापन समितीचे पदाधिकारी उपस्थित होते. कार्यक्रम यशस्वीतेसाठी सर्व शिक्षक शिक्षिकांनी परिश्रम घेतले. सूत्रसंचालन आणि आभार पदवीधर शिक्षिका सुरेखा गुंजाळ व दत्ता साबळे यांनी मानले.
