इगतपुरीनामा न्यूज – इगतपुरी तालुक्यातील सोमज येथे २५ वर्षीय विवाहित महिला मयत अवस्थेत मिळून आली आहे. महिलेच्या वडिलांनी घोटी पोलीस ठाण्यात खबर दिल्यानंतर पोलिसांनी घटनास्थळी जाऊन तपास सुरु केला आहे. शवविच्छेदनासाठी महिलेचा मृतदेह शासकीय रुग्णालयात पाठवण्यात आला आहे. शैला अरुण केकरे वय २५ वर्षे रा. सोमज ता. इगतपुरी जि. नाशिक असे दुर्दैवी महिलेचे नाव आहे. दरम्यान शैला केकरे हिचा घातपात करून तिला संपवण्यात आले असल्याचा आरोप माहेरील नातेवाईक करीत आहेत. त्या अनुषंगाने घोटी पोलिसांनी कसून तपास सुरु केला आहे. उपविभागीय पोलीस अधिकारी हरिष खेडकर,घोटी पोलीस स्टेशनचे पोलीस निरीक्षक विनोद पाटील, उपनिरीक्षक प्रविण उदे, पोलीस हवालदार सागर सौदागर यांनी घटनास्थळी भेट दिली.
