इगतपुरीनामा न्यूज – इगतपुरीचे माजी आमदार काशिनाथ मेंगाळ यांनी आज महाराष्ट्र नवनिर्माण सेनेत पक्षप्रवेश केला आहे. मनसे पक्षाने त्यांना इगतपुरी त्र्यंबकेश्वर विधानसभा मतदारसंघाची उमेदवारी घोषित केली आहे. शिवसेना शिंदे गटामध्ये सक्रिय कार्यरत राहून उमेदवारीसाठी इच्छुक होते. त्यांना उमेदवारी देण्यात आली नसल्याने ते नाराज होते. त्यांची ७० हजारांची हक्काची मतपेढी असून इगतपुरी विधानसभा मतदारसंघात आता तुल्यबळ लढत होणार असल्याचे स्पष् झाले आहे. २००४ मध्ये त्यांनी आमदार म्हणून उत्तम काम केले आहे. २००९ ला त्यांनी शिवसेना सोडून मनसेमध्ये प्रवेश करून उमेदवारी केली मात्र ते पराभूत झाले होते. २०१४ मध्ये अपक्ष उमेदवारी केली. २०१९ ला ते किंगमेकरच्या भूमिकेत होते. महाराष्ट्र नवनिर्माण सेनेने त्यांना उमेदवारी दिल्यामुळे निवडणुकीत चांगली रंगत येणार आहे. मनसे कार्यकर्ते उद्यापासून तयारीला लागणार असून उद्याच उमेदवारी दाखल करण्यात येईल असे समजते.
