मुंढेगाव अस्वली रस्त्यावरील अपघातात शेणवड येथील पतिपत्नी जखमी

इगतपुरीनामा न्यूज, दि. ६

अपघातांची मालिका थांबायला तयार नसल्याचे दिसत असून आज साडेतीनच्या सुमाराला मुंढेगाव अस्वली रस्त्यावरील हाटणीजवळ मोटरसायकल स्लिप झाल्याने अपघात झाला. ह्या अपघातात पतिपत्नी जखमी झाले असून पत्नीला गंभीर जखमा झाल्या आहेत. ह्या घटनेत मोटारसायकल वरील रोहिदास दारकु वारघडे वय 32, रा. शेणवड खुर्द हे किरकोळ जखमी तर त्यांची पत्नी वैशाली रोहिदास वारघडे वय २८ ह्या गंभीर जखमी झाल्या आहेत. जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड यांना माहिती समजताच त्यांनी घटनास्थळी दाखल होऊन जखमींना घोटी ग्रामीण रुग्णालयात दाखल केले आहे.