इगतपुरीनामा न्यूज, दि. २५
इगतपुरी तालुक्यातील गोंदे दुमाला येथून मित्राला भेटायला आलेला २३ वर्षीय युवक बेपत्ता झाला आहे. त्याचा शोध लागला नसल्याने त्याच्या आईने वाडीवऱ्हे पोलिसांकडे शोध लावण्याबाबत खबर दिली आहे. या युवकाबाबत कोणालाही काही माहिती असल्यास वाडीवऱ्हे पोलिसांना कळवावे असे आवाहन सहाय्यक पोलीस उपनिरीक्षक देविदास फड यांनी केले आहे. अधिक माहिती अशी की, निखिल नाना केदारे वय २३ रा. रथचक्र सोसायटी इंदिरानगर नाशिक हा युवक २१ ऑक्टोबरला इगतपुरी तालुक्यातील गोंदे दुमाला येथील सिंधू नरवाडे या मित्राला भेटायला आला होता. भेटल्यानंतर हा युवक कोणाला काही एक न सांगता निघून गेला आहे. याबाबत त्याची आई मंगला नाना केदारे वय ५० यांनी वाडीवऱ्हे पोलीस ठाण्यात मुलगा बेपत्ता झाल्याची खबर दिली आहे. निखिल नाना केदारे याचे वय २३ असून शरीराने बारीक, उंची ५ फूट ५ इंच, रंगाने गोरा, चेहरा गोल, नाक सरळ, अंगात काळा शर्ट, सफेद पॅन्ट, पांढरा बूट आणि कानात काळ्या रंगाची बाळी आहे. या युवकाबाबत कोणाला काही माहिती असल्यास वाडीवऱ्हे पोलीस ठाणे अथवा नजीकच्या पोलीस ठाण्यात कळवावे असे आवाहन वाडीवऱ्हेचे सहाय्यक पोलीस उपनिरीक्षक देविदास फड यांनी केले आहे.