इगतपुरीनामा न्यूज – शुक्रवारी नात्यातील ३७ वर्षीय महिला अंघोळ झाल्यानंतर कपडे घालत असतांना तिच्या शरीराला हात लावून लज्जा उत्पन्न होईल असे घृणास्पद कृत्य केले. यावेळी महिला जोरात ओरडल्याने तिची मुलगी धावत आल्यामुळे आरोपी पळून गेला. यावेळी झालेल्या भांडणात संबंधित महिलेला मारहाण करून शिवीगाळ करण्यात आली. याप्रकरणी महिलेने इगतपुरी पोलीस ठाण्यात फिर्याद दिली आहे. त्यानुसार पोलिसांनी आरोपी वसंत रामा कामडी, कमल वसंत कामडी, चंदर किसन कामडी सर्व रा. काराचीवाडी आवळखेड ता. इगतपुरी, जि. नाशिक यांच्यावर गुन्हा दाखल केला आहे. इगतपुरी पोलिसांनी पुढील तपास सुरु केला आहे.
