इगतपुरीनामा न्यूज – भूमाता ब्रिगेडच्या इगतपुरी तालुकाध्यक्षपदी किरण मुसळे यांची निवड करण्यात आली आहे. संस्थापक राष्ट्रीय अध्यक्षा तृप्ती देसाई यांनी पुणे येथे निवडीची घोषणा केली. याप्रसंगी सामाजिक कार्यकर्ते पांडुरंग शिंगोटे, समाधान कडवे, बाळू ठोंबरे, शुभम मोरे, स्वीय सहाय्यक बिट्टू पाटील आदी उपस्थित होते. किरण मुसळे राजकीय, सामाजिक, कृषी शैक्षणिक चळवळीत काम करतात. इगतपुरी तालुक्यातील कावनई, टाकेद, घाटनदेवी तीर्थस्थानाला भेट देणार असल्याचे भूमाता ब्रिगेडच्या राष्ट्रीय अध्यक्ष तृप्ती देसाई यांनी सांगितले. राष्ट्रवादी काँग्रेस अजित पवार गटाचे कार्यकारी जिल्हाध्यक्ष गोरख बोडके, प्रदेश सरचिटणीस सय्यद अली अशरफ, नाशिक उपजिल्हाध्यक्ष उत्तमराव सहाणे, शहराध्यक्ष वसीम सय्यद, माजी उपसरपंच वसंत भोसले, सचिन सूर्यवंशी, डॉ. जगताप आदींनी निवडीबद्धल शुभेच्छा दिल्या. जनतेवरील अन्याय अत्याचाराबद्दल आवाज उठवणार असल्याचे नवनियुक्त अध्यक्ष किरण मुसळे यांनी यावेळी सांगितले.
