इगतपुरीनामा न्यूज – आज सकाळी सात वाजेच्या सुमारास नाशिकच्या दिशेने जाणाऱ्या मोटारसायकलीला अज्ञात भरधाव वाहनाने धडक दिल्याने अपघात झाला. ही घटना रायगड नगर जवळ वालदेवी पुलाजवळ घडली. ह्या अपघातात देविदास रावसाहेब मुसळे वय २८, रा. नांदूरवैद्य, ता. इगतपुरी हा युवक ठार झाला. जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड यांनी समयसुचकतेने अपघातस्थळी दाखल होऊन जखमी युवकाला नाशिकच्या रुग्णालयात दाखल केले होते. मात्र उपचारापूर्वीच त्याचा मृत्यू झाला. ह्या घटनेमुळे नांदूरवैद्य आणि परिसरात शोककळा पसरली आहे. वाडीवऱ्हे पोलिसांनी अपघाताची नोंद घेतली असून तपास सुरु केला आहे.
