इगतपुरीनामा न्यूज – इगतपुरी तालुक्यातील धारगाव ग्रामपंचायतीच्या उपसरपंचपदी तानाजी भिवाजी खातळे यांची बिनविरोध निवड करण्यात आली आहे. उपसरपंच निवडीसाठी बोलावण्यात आलेल्या विशेष बैठकीत तानाजी खातळे यांचा एकमेव अर्ज दाखल झाल्याने निवडणूक निर्णय अधिकाऱ्यांनी त्यांची उपसरपंच म्हणून बिनविरोध निवड झाल्याचे घोषित केले. ग्रामस्थ, महिला, युवक आणि समर्थकांनी गुलाल उधळून आनंद व्यक्त केला. यावेळी सरपंच रेश्मा पांडू पुंजारा, ग्रामपंचायत सदस्य गोटु गोविंद पादीर, सुनिता सोपान पारधी, शिला रंजन गोवर्धने, राहुल भास्कर कामडी, देवराम सोमा पोकळे, लता यशवंत मेंगाळ आदी उपस्थित होते. तानाजी खातळे यांच्या निवडीचे काळू बाबा भस्मे, संतू भाऊ पादिर, शांताराम पादीर, भगवान मधे, रंजन गोवर्धने, कावजी मेंगाळ, नवसू मेंगाळ, भोरू पुंजारा, विठ्ठल शिद, भास्कर कामडी, दासाबाबा, प्रशांत खातळे या सर्वांनी स्वागत करून त्यांना शुभेच्छा दिल्या.
