विल्होळीजवळ स्विप्ट कार आणि मोटरसायकलच्या अपघातात १ जण गंभीर जखमी

इगतपुरीनामा न्यूज, दि. ५

मुंबई आग्रा महामार्गावरील विल्होळी डोंगरबाबा मंदिराजवळ कार आणि मोटारसायकलचा अपघात झाला. आज चार वाजेच्या सुमाराला झालेल्या ह्या अपघातात एक जण गंभीर जखमी झाला. जगद्गुरू नरेंद्राचार्य महाराज संस्थानच्या मोफत रुग्णवाहिकेचे रुग्णवाहक निवृत्ती पाटील गुंड यांना अपघाताची माहिती समजताच त्यांनी गंभीर जखमीला नाशिकच्या  खासगी रुग्णालयात दाखल केले.

नाशिकहुन मुंबईच्या दिशेने जाणारी मोटरसायकल आणि चुकीच्या दिशेने येणारी स्विफ्ट कार यांची समोरासमोर धडक झाली. मोटारसायकलस्वार विजय सुरेश निकम वय 42 रा. नाशिक हे गंभीर जखमी झाले. जगद्गुरू नरेंद्राचार्य महाराज संस्थानच्या मोफत रुग्णवाहिकेचे रुग्णवाहक निवृत्ती पाटील गुंड यांनी वेळेत रुग्णालयात दाखल केल्याने त्यांचा जीव बचावला.