इगतपुरीनामा न्यूज – गणेशोत्सवानिमित्त ‘MY_GHOTI_MY_DREAMS’ इन्स्टाग्राम पेजच्या वतीने इगतपुरी तालुकास्तरीय मोफत घरगुती गणपती आकर्षक सजावट व मोदक पाककला स्पर्धा २०२६ चे यशस्वी आयोजन करण्यात आले. या उपक्रमाचा बक्षीस वितरण सोहळा घोटी येथे संपन्न झाला. संपूर्ण तालुक्यातून या स्पर्धेला नागरिकांचा अभूतपूर्व व उत्स्फूर्त प्रतिसाद मिळाला. घरगुती सजावटीमध्ये स्पर्धकांनी पर्यावरणपूरक देखावे, समाजप्रबोधन करणाऱ्या विविध संकल्पना सादर केल्या. मोदक स्पर्धेत महिला आणि मुलींनी पारंपरिक व नाविन्यपूर्ण मोदक बनवून आपल्या उत्कृष्ट कलागुणांचे दर्शन घडवले. लोकांनी आपले सण, उत्सव आणि संस्कृतीची परंपरा कायम जपून ठेवावी या उद्देशाने हा उपक्रम घेतला गेला. विजेत्यांना रोख रक्कम, आकर्षक ट्रॉफी, सन्मानपत्र, पैठणी, शर्ट, इस्त्री, डिनर सेट, कुकवेअर सेट आणि श्री गणेश मूर्ती प्रदान करण्यात आली. सहभागी स्पर्धकांना प्रमाणपत्र देण्यात आले. कार्यक्रमाच्या यशस्वीतेसाठी ‘My Ghoti My Dreams’ चे संस्थापक शशिकांत तोकडे यांनी परिश्रम घेतले. सहआयोजक म्हणून व्हीआयपी कलेक्शनचे विश्वास भटाटे, जेडी मोबाईलचे जन्मंजय डोईफोडे, एएस कॅफे अँड इव्हेंट्सचे आशिष भोर, मांडे दूध डेअरीचे प्रतीक मांडे, रिया केक शॉपच्या प्रिया कोते, न्यू प्रमोद इलेक्ट्रॉनिक्सचे रॉबिन अग्रवाल, टेक्नॉलॉजिश्वरचे आशुतोष परदेशी यांनी सहाय्य केले. मोदक स्पर्धेसाठी स्वाती कडू, वैशाली गोसावी यांनी परीक्षक म्हणून काम पाहिले.
असे आहेत विजेते – घरगुती डेकोरेशन स्पर्धेत पहिला क्रमांक साहिल पांडुरंग गोईकणे – तळोघ (थीम : वारली चित्रकला, जुनी संस्कृती जुनी परंपरा), दुसरा क्रमांक विकी अशोक भागडे – नांदगाव सदो. (थीम : छ. शिवाजी महाराजांनी लाल महालात शाहीस्तेखानाची बोटे छाटली), तिसरा क्रमांक विशाल लहू डावखर – गिरणारे (थीम : ऐतिहासिक पावनखिंड देखावा), चौथा क्रमांक मनोज माधव भागडे – नांदगाव सदो. (थीम : नरसिंह अवतार – हिरण्यकश्यपू वध), संस्कृती जतन विभागात पहिला क्रमांक : दिनेश धनराज भागडे – नांदगाव सदो. (थीम : किल्ले रायगड), दुसरा क्रमांक शुभम शेळके व मधुसूदन शेळके – तळोशी (थीम : मराठी शाळा व मराठी भाषा वाचवा), स्व निर्मित मूर्ती विभागात पहिला क्रमांक नवनाथ यश गोईकणे – तळोघ, दुसरा क्रमांक गणेश गतीर – मुंढेगाव, मोदक पाककला स्पर्धेत पहिला क्रमांक आरोही कुलथे (पदार्थ : राजभोग मोदक), दुसरा क्रमांक रोहिणी भोर (पदार्थ : उकडीचे रस मोदक), तिसरा क्रमांक समृद्धी शिरसाठ (पदार्थ : गोकर्ण फुलापासून बनवलेले मोदक), चौथा क्रमांक वैष्णवी भगत (पदार्थ : नागलीचे मोदक), पाचवा क्रमांक सोनम राणे (पदार्थ : जास्वंद व बीटपासून बनवलेले मोदक)