इगतपुरीनामा न्यूज – इगतपुरी येथील गिरण शॉप परिसरात घरात कोणी नसल्याचे पाहून धाडसी चोरीची घटना झाली आहे. आज पहाटेच्या सुमाराला मोअज्जम युसुफ शेख यांच्या घराचा मुख्य दरवाजा चोरट्यांनी तोडून आत प्रवेश केला. ह्या घटनेत जवळपास लाखो रुपये किंमतीचे पाच साडेपाच तोळे सोन्याचे दागिने, चांदी, रोख रक्कम घेऊन चोरटे पसार झाले. घराच्या पहिल्या मजल्यावरील कपाटात असलेली तिजोरी गजाच्या सहाय्याने वाकवून चोरी केली गेली. घरात प्रवेश करताना आजुबाजूच्या घरांना बाहेरून कड्या लावून घेतल्या. कड्या कोणी लावल्या म्हणत आरडा ओरड झाल्यानंतर हा प्रकार लक्षात आला. इगतपुरी पोलीस घटनास्थळी दाखल झाले असून चोरट्याचा शोध सुरू झाला आहे. व्हिडिओ बातमी पहा https://youtu.be/ztkEOmG8sHA?si=r27YObCxOP8qX_wz
