इगतपुरीनामा न्यूज – इगतपुरी तालुक्यातील घोटी सिन्नर महामार्गावर धामणी गावाजवळ सकाळी झालेल्या अपघातामध्ये शिवाजी विष्णू ठोके वय ३५ रा. अधरवड या युवकाचा जागीच मृत्यू झाला होता. त्या ठिकाणी वाहतूक सुरळीत करत असलेल्या पोलीस कर्मचाऱ्याला मृत झालेल्या व्यक्तीच्या संतप्त नातेवाईकांनी हल्ला चढवला. या हल्ल्यामध्ये घोटी ग्रामीण महामार्ग पोलीस कर्मचारी किरण आहेर गंभीर जखमी झाले आहेत. त्यांना घोटी ग्रामीण रुग्णालय या ठिकाणी दाखल करण्यात आले आहे. घटनास्थळावर घोटी पोलीस स्टेशनचे पथक पोहोचले असून संशयित हल्लेखोरांचा पोलीस शोध घेत आहेत.