बेलगाव अस्वली रोडवर इको गाडी पलटी होऊन अपघात : अपघातात नांदगाव तालुक्यातील जातेगावचे ४ जण जखमी

नरेंद्राचार्य महाराज संस्थान रुग्णवाहिकेने वाचवले जखमींचे प्राण

इगतपुरीनामा न्यूज, दि. १०

इगतपुरी तालुक्यातील बेलगाव कुऱ्हे अस्वली रोडवर आज रात्री साडेसात वाजेच्या सुमारास चालकाचे वाहनावरील नियंत्रण सुटल्याने अपघात झाला. ह्या अपघातात ४ जण जखमी झाले. यापैकी २ जण गंभीर जखमी झालेले आहेत. जगद्गुरू नरेंद्राचार्य महाराज संस्थान मोफत रुग्णवाहिकेचे रुग्णवाहक रुग्णमित्र निवृत्ती पाटील गुंड यांना माहिती समजताच त्यांनी सर्व जखमींना धामणगाव येथील एसएमबीटी रुग्णालयात दाखल केले. जखमींना वेळेत उपचार मिळाल्याने त्यांचा जीव वाचला.

नासिककडुन बेलगाव कुऱ्हे अस्वलीकडे जातांना इको गाडी क्र. MH 20 BN 9392 ह्या वाहनाचे एका वळणावर चालकाचे वाहनावरून नियंत्रण सुटले. त्यामुळे त्यांचे वाहन पलटी झाले. या अपघातात कारभारी शकु बागुल वय 61, कांताबाई कारभारी बागुल वय 55, वैशाली ज्ञानेश्वर महाले वय 33, चालक हनीफ शेख वय 40 सर्व रा. जातेगाव ता. नांदगाव हे गाडीतील ४ जण जखमी झाले. यापैकी दोघे गंभीर जखमी झाले. जगद्गुरु नरेंद्राचार्य महाराज संस्थान मोफत रुग्णवाहिकेचे रुग्णवाहक रुग्णमित्र निवृत्ती पाटील गुंड यांनी अपघात स्थळी पोहोचून जखमींना धामणगाव येथील एसएमबीटी रुग्णालयात दाखल केले.