इगतपुरीनामा न्यूज – इगतपुरी तालुक्यात प्रेमप्रकरणातून एका हत्येची गंभीर घटना समोर आली आहे. गरुडेश्वर येथे मुंबई येथे कार्यरत एका अधिकाऱ्याचा खून करण्यात आल्याची घटना २२ सप्टेंबरला घडली. राधाकिसन तुकाराम वारघडे (वय ५३ वर्षे, रा. गरुडेश्वर, ता. इगतपुरी असे मयत व्यक्तीचे नाव आहे. या प्रकरणी वंदना दिनेश कुंदे (वय ४५ ), किरण दिनेश कुंदे ( वय २२ ) दिपक दिनेश कुंदे ( वय २६ ) सर्व रा. गरुडेश्वर, ता. इगतपुरी या ३ जणांविरोधात गुन्हा दाखल करण्यात आला आहे. या प्रकरणी कुणाल ज्ञानेश्वर वारघडे, रा. देउळवाडी, गरुडेश्वर, ता. इगतपुरी यांनी फिर्याद दिली आहे. त्यावरून वाडीवऱ्हे पोलिसांनी ३ आरोपींविरुद्ध भारतीय न्याय संहिेतेच्या कलम १०३ (१), ३५२, ३५१(३), ३(५) नुसार गुन्हा नोंदवला असून पुढील तपास सुरू आहे. मयत राधाकिसन तुकाराम वारघडे हे गणपती निमित सुटीवर आले होते. रात्रीच्या वेळी ते वंदना कुंदे हिच्यासोबत बोलत होते. यावेळी किरण दिनेश कुंदे, दीपक दिनेश कुंदे यांच्यासह वंदना दिनेश कुंदे यांनी हत्याराने त्यांच्या डोक्याच्या पाठीमागील बाजूस वार केला. या प्राणघातक हल्ल्यात त्यांना गंभीर दुखापत झाल्याने त्यांचा मृत्यू झाला. प्रेमसंबंधातून ही घटना घडल्याचा पोलिसांचा कयास असून न्यायालयाने ३ आरोपींना सात दिवसाची कोठडी सुनावली आहे.
