इगतपुरीनामा न्यूज – इगतपुरी शहरातील बँकेच्या ग्राहक सेवा केंद्रातून ३५ हजार रुपयांची रोख रक्कम लंपास केल्याची घटना समोर आली आहे. याप्रकरणी अज्ञात आरोपीविरुद्ध इगतपुरी पोलीस ठाण्यात चोरीचा गुन्हा दाखल करण्यात आला असून पोलीस अधिक तपास करीत आहेत. मिळालेल्या माहितीनुसार, फिर्यादी सागर सुरेश धूत हे बँक ऑफ बडोदा शाखा इगतपुरीचे ग्राहक सेवा केंद्र चालवितात. घटनेच्या दिवशी ते ग्राहक सेवा केंद्रात ३५ हजार रुपयांची रोख रक्कम मोजून बँक ऑफ बडोदा शाखेत भरणा करण्यासाठी स्लिप भरून जाण्याच्या तयारीत होते. त्यावेळी एक अज्ञात इसम ग्राहक सेवा केंद्रात आला. त्याने “आम्हाला फिनो बँकेतून २ हजार रुपये काढायचे आहेत” असे सांगून फिर्यादीला बोलण्यात गुंतवून ठेवले. याच संधीचा फायदा घेत आरोपीने टेबलावर ठेवलेली ३५ हजार रुपयांची रोख रक्कम फिर्यादीच्या संमतीशिवाय लबाडीच्या हेतूने चोरून नेली. घटना लक्षात येताच फिर्यादीने पोलिसांत तक्रार दाखल केली. त्यानुसार अज्ञात आरोपीविरुद्ध चोरीचा गुन्हा दाखल करण्यात आला असून इगतपुरी पोलीस तपास करीत आहेत. व्हिडीओ बातमी पहा https://youtube.com/shorts/I7EGXdNUFWA?si=w-qsBrR4RFQSoYZk