इगतपुरीनामा न्यूज – सावित्रीबाई फुले पुणे विद्यापीठ अंतर्गत विद्यार्थी विकास मंडळ आणि नाशिप्र संचालित इगतपुरी येथील कला व वाणिज्य महाविद्यालयात निर्भय कन्या अभियान अंतर्गत विविध विषयावर मार्गदर्शनपर कार्यशाळा पार पडली. कार्यशाळेच्या अध्यक्षस्थानी महाविद्यालयाच्या प्राचार्य प्रतिभा हिरे होत्या. विद्यार्थी विकास अधिकारी प्रा. एस. एस. सांगळे यांनी केले प्रास्ताविकात कार्यशाळेचा हेतू, मुलींमध्ये स्वसंरक्षणआणि आरोग्याबाबत जाणीव जागृती बाबत माहिती दिली. कार्यशाळेत तीन व्याख्यानांचे आयोजन करण्यात आले होते. ॲड. सुनील लहाने यांनी महिलांच्या विविध हक्कासंबंधी व्याख्यानात सविस्तर माहिती दिली. दुसऱ्या व्याख्यानात डॉ. उज्वला महाजन यांनी महिलांचे शारीरिक व मानसिक आरोग्य याबाबत माहिती दिली. प्रत्येक मुलीने आपले शारीरिक व मानसिक आरोग्य कसे जपावे यासंबंधी त्यांनी मार्गदर्शन केले. तिसऱ्या व्याख्यानात विशाल जगताप यांनी स्वसंरक्षण विषयावर मार्गदर्शन केले. आपल्या आयुष्यात येणाऱ्या कोणत्याही प्रसंगाला सामोरे जाता यावे यासाठी स्वसंरक्षणाच्या प्रात्यक्षिकासह विद्यार्थिनींना मार्गदर्शन केले. कार्यक्रमासाठी महाविद्यालयीन समन्वयक डॉ. बी. एच घुटे, सहाय्यक प्राध्यापिका एल. एस. अहिरे, सहाय्यक प्रा. बी. एस. मोरे, प्राध्यापक, कर्मचारी विद्यार्थीनी उपस्थित होत्या. सूत्रसंचालन कु. मनाली गोसावी, योगिता भांगरे तर आभार पायल मोरे, सोनल गायकवाड या विद्यार्थिनींनी केले.
