इगतपुरीनामा न्यूज, दि. १७
इगतपुरी तालुक्यात आज सायंकाळी झालेल्या दोन वेगवेगळ्या अपघातात ४ युवक गंभीर जखमी झाले. जगद्गुरू नरेंद्राचार्य महाराज संस्थान मोफत रुग्णवाहिकेचे रुग्णवाहक रुग्णमित्र निवृत्ती पाटील गुंड यांनी समयसुचकतेने जखमींना उपचारार्थ रुग्णालयात दाखल केले. त्यामुळे जखमींचे प्राण वाचले.
पहिला अपघात आज रात्री वाजता झाला. अस्वली स्टेशन ते नांदगाव बुद्रुक रस्त्यावर अज्ञात वाहनाने MH 15 GD 1070 ह्या मोटारसायकलला धडक दिली. ह्या अपघातात रोहित बाळासाहेब देशमुख वय २४, योगेश वसंत नरवाडे वय २६ रा. आंबे बहुला ता. जि. नाशिक हे २ युवक गंभीर जखमी झाले. जगद्गुरू नरेंद्राचार्य महाराज संस्थान मोफत रुग्णवाहिकेचे रुग्णवाहक रुग्णमित्र निवृत्ती पाटील गुंड यांनी त्यांना नाशिकच्या खासगी रुग्णालयात दाखल केले.
दुसरा अपघात गोंदे फाट्याजवळ महाले पेट्रोल पंपाजवळ आज रात्री साडेआठ वाजता झाला. विरुद्ध बाजूने जाणाऱ्या मोररसायकलला समोरून येणाऱ्या कारने धडक दिली. यामध्ये परप्रांतीय कामगार दुर्वाप्रसाद वय २६, राजकिशोर पासवान वय २७ रा. उत्तरप्रदेश सध्या रा. गोंदे हे युवक गंभीर जखमी झाले. जगद्गुरू नरेंद्राचार्य महाराज संस्थान मोफत रुग्णवाहिकेचे रुग्णवाहक रुग्णमित्र निवृत्ती पाटील गुंड यांनी जखमींना नाशिकच्या जिल्हा रुग्णालयात दाखल केले.