इगतपुरीनामा न्यूज – पोलीस पाटलांनी गावात काम करत असताना नागरिकांशी दैनंदिन संपर्क ठेवणे अत्यंत महत्त्वाचे आहे. त्याद्वारे पोलीस पाटील पोलीस प्रशासनाला संवेदनशील माहिती देऊ शकतात. ह्या माहितीच्या आधारे प्रशासनाला गंभीर गुन्हे रोखता येतात. पोलीस पाटलांसह पत्रकार बांधव हे सुद्धा पोलीस प्रशासनाला कायदा सुव्यवस्था अबाधित ठेवण्यासाठी आधारस्तंभ आहेत. म्हणूनच इगतपुरी पोलीस ठाण्यातर्फे गुणवंत पोलीस पाटील आणि पत्रकारांचा सन्मान करतांना अभिमान वाटतो असे प्रतिपादन उपविभागीय पोलीस अधिकारी हरिष खेडकर यांनी केले. इगतपुरी पोलीस ठाणे हद्धीतील गावांत कायद्याचे राज्य निर्माण करण्यासाठी चांगली कामगिरी करणारे पोलीस पाटील आणि लोकशाहीचा चौथा आधारस्तंभ असणारे पत्रकार बांधव यांचा सन्मान सोहळा पार पडला. इगतपुरी येथील गोल्डन रिसॉर्टमध्ये आयोजित कार्यक्रमात हरिष खेडकर बोलत होते. इगतपुरीच्या पोलीस निरीक्षक सारिका अहिरराव म्हणाल्या की, पोलीस ठाण्याच्या हद्धीत इगतपुरी शहर, इगतपुरी ग्रामीण परिसरात गेली काही महिने गुन्ह्यांचे प्रमाण जवळपास शून्यावर आले आहे. सामाजिक सलोखा राखून कायदा सुव्यवस्था जपली गेली आहे. निवडणुका मुक्त वातावरणात संपन्न झाल्या. यामध्ये पत्रकार आणि पोलीस पाटील यांचे मोलाचे सहकार्य मिळाले म्हणून आम्हाला चांगले काम करता आले. व्हॉइस ऑफ मिडीयाचे जिल्हा उपाध्यक्ष भास्कर सोनवणे म्हणाले की, कायदा व सुव्यवस्था राखणे, गुन्ह्यांची माहिती पोलिसांना देणे, नैसर्गिक आपत्ती, रोगराईची माहिती देणे, गावातील महत्त्वाच्या घडामोडींची माहिती पोलिसांपर्यंत पोहोचवणे अशी कामे पोलीस पाटील करतात. ज्यामुळे पुढील अनर्थ टळतो असे चांगले काम इगतपुरीच्या पोलीस प्रशासनाने केले आहे. यावेळी व्हॉइस ऑफ मीडियाचे इगतपुरी तालुकाध्यक्ष विकास काजळे, जेष्ठ पत्रकार राजू देवळेकर, टीव्ही 9 चे शैलेश पुरोहित, दिव्यमराठीचे संदीप कोतकर, लोकमतचे गणेश घाटकर, प्रहारचे सुमित बोधक पोलीस पाटील हरिश्चंद्र ज्ञानेश्वर भागडे, जगन्नाथ मोहन आगीवले, भाऊ यमाजी भले, अर्जुन मारूती डावखर, कोंडाजी रामचंद्र बोंडे, भगवान नामदेव आडोळे, नामदेव दामु हिंदोळे, दिपाली मदन पवार, निता भाऊसाहेब गुंजाळ, संजु रावजी भगत, रविंद्र शशिकांत पंडित, सुरेश नामदेव कोकणे, रामकृष्ण श्रावण भगत यांचा सपत्नीक सन्मान करण्यात आला. सूत्रसंचालन आणि आभार पोलीस हवालदार निलेश देवराज मानले.
