इगतपुरीनामा न्यूज – आदिवासी सेवा समिती संचलित लहांगेवाडी येथील प्राथमिक व माध्यमिक आश्रमशाळेत इगतपुरी वन विभागामार्फत जनजागृती अभियान आयोजित करण्यात आले होते. कुशेगावच्या वन परिमंडळ अधिकारी शोभा निखाडे यांनी ह्या कार्यक्रमाच्या आयोजनासाठी नियोजन केले होते. यावेळी टीम रेस्क्यूचे वैभव भोगाळे, डॉ. सात्विक पाठक यांनी वन्यप्राणी, पशु पक्षी यांचा अधिवास, मनुष्याची त्यांच्या अधिवासात झालेले अतिक्रमण, बिबट्या वन्य प्राण्यांविषयी समज गैरसमज यावर चित्रफितीच्या माध्यमातून सविस्तर मार्गदर्शन केले. कुशेगावचे वनरक्षक एस. एन. गाढवे यांनीही यावेळी मार्गदर्शन केले. विद्यार्थ्यांनी आपले प्रश्न विचारून आपल्या शंकांचे निरसन करून घेतले. कार्यक्रमासाठी वनरक्षक रूपाली मोरे, माध्यमिक शाखेचे प्रभारी मुख्याध्यापक जयेश रोहिदास, प्राथमिक शाखेचे प्रभारी मुख्याध्यापक के. जे. बेंडकोळी, शिक्षक, कर्मचारी व विद्यार्थी उपस्थित होते.
