इगतपुरीनामा न्यूज, दि. २० – मोडाळे शिरसाठे रस्त्यावर आज दुपारी २ मोटरसायकलींचा अपघात झाला. यामध्ये ४ जण गंभीर तर १ जण किरकोळ जखमी झाला आहे. जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड आणि १०८ रुग्णवाहीका यांनी समयसुचकतेने अपघातस्थळी दाखल होऊन जखमींना नाशिकच्या शासकीय रुग्णालयात दाखल केले आहे. गोकुळ शंकर गांगड वय ३५, समाधान तळपाडे वय ४०, गणेश मुरलीधर बोडके वय ३५,सुनिता गणेश बोडके वय २३, अदिती गणेश बोडके वय ५ वर्ष सर्व राहणार मोडाळे अशी जखमींची नावे आहेत.