इगतपुरीनामा न्यूज, दि. १८
इगतपुरी तालुक्यातील राष्ट्रवादी काँग्रेस पक्षात काही महिन्यांपासून अनेक महत्वाच्या पदाधिकाऱ्यांचा प्रवेश होतो आहे. यामुळे राष्ट्रवादी काँग्रेस पक्ष हा सध्यातरी इगतपुरी तालुक्यातील क्रमांक एकवर आल्याचे दिसते आहे. यामध्ये आज जिल्हा नियोजन समितीचे सदस्य गोरख बोडके यांनी आज चांगली भर पाडली आहे. इगतपुरी तालुक्यात महत्वपूर्ण असणाऱ्या शेवगेडांग ग्रामपंचायतीचे लोकनियुक्त सरपंच साहेबराव खंडवी यांनी आपल्या समर्थकांसह राष्ट्रवादी काँग्रेस पक्षात प्रवेश केला आहे. राज्याचे अन्न नागरी पुरवठामंत्री छगन भुजबळ यांनी सर्वांना राष्ट्रवादीत प्रवेश दिला.
पक्षाची विचारधारा ग्रामीण भागात रुजवून जनसेवेचा वसा साध्य करा अशा शुभेच्छा ना. भुजबळ यांनी दिल्या. जिल्हा नियोजन समिती सदस्य गोरख बोडके यांनीही सर्वांना शुभेच्छा दिल्या. पालकमंत्री छगन भुजबळ यांच्या हस्ते राष्ट्रवादी क्राँग्रेसमध्ये प्रवेश सोहळ्यात शेवगेडांगचे लोकनियुक्त सरपंच साहेबराव खंडवी, शालेय व्यवस्थापन समितीचे अध्यक्ष रोहिदास भरीत, सामाजिक कार्यकर्ते दशरथ गांगुर्डे, संतोष करवंदे, सुनिल कातोरे आदी उपस्थित होते.