इगतपुरीनामा न्यूज – दिव्यज्योत बहुउद्देशीय संस्था या नावे योजना राबवून, महिला बचत गटांना आणि नागरिकांना स्वस्त दरात गृहोपयोगी वस्तू देण्याचे आमिष दाखवून तब्बल १५ लाख ३३ हजार रुपयांची आर्थिक फसवणूक केल्याचा गंभीर प्रकार उघडकीस आला आहे. या प्रकरणी मयुरी तानाजी कातोरे, रा. माळेकरवाडी वाडीवऱ्हे, ता. इगतपुरी यांच्या फिर्यादीवरून वाडीवऱ्हे पोलीस ठाण्यात गुन्हा दाखल करण्यात आला आहे. पोलिसांनी दिलेल्या माहितीनुसार आरोपींनी संगनमत करून कट रचला. ‘दिव्यज्योत बहुउद्देशीय संस्था’ या नावाची योजना लोकांसमोर आणत याद्वारे स्वस्त दरात गृहोपयोगी वस्तू पुरवल्या जातील असा विश्वास त्यांनी फिर्यादी, साक्षीदार आणि इतर बचत गटांच्या महिलांना दिला होता. मात्र पैसे घेतल्यानंतर ठरल्याप्रमाणे कोणतीही वस्तू न देता फिर्यादी व साक्षीदारांची १५ लाख ३३ हजार रुपयांची आर्थिक फसवणूक केली. या प्रकरणी १) सुनीता संतोष कांबळे, रा. पालघर, २) संजय अभिमान बोराळे, ३) बोराळे रा. लासलगाव, ता. निफाड, ४) सागर सुरेश पगारे, ५ ) पगारे रा. बदलापूर, जि. ठाणे या संशयित आरोपींवर गुन्हा दाखल करण्यात आला आहे. हा प्रकार १८ ऑगस्ट २०२५ ते ४ ऑक्टोबर २०२६ या कालावधीत वाडीवऱ्हे येथे घडला असून या प्रकरणी वाडीवऱ्हे पोलीस ठाण्यात गुन्हा दाखल करण्यात आला असून पुढील तपास सुरू आहे.
