इगतपुरीनामा न्यूज – वाडीवऱ्हे येथील व्यावसायिकाच्या वेअर हाऊसमधून एसी लावण्याच्या कॉपरच्या नळ्या आणि २ मोटारसायकली चोरणाऱ्या ५ जणांना वाडीवऱ्हे पोलिसांनी अटक केली आहे. चोरट्यांमध्ये मध्ये २ विधीसंघर्षित बालकांचा समावेश आहे. १ लाख ४५ हजारांचा मुद्धेमाल चोरून नेत असतांना पाठलाग करून चोरांच्या मुसक्या आवळण्यात आल्या. ही घटना गुरुवारी २ एप्रिलला रोजी पहाटेच्या सुमारास घडली होती. याबाबत वाडीवऱ्हे पोलीस ठाण्यात Virtuso Opto Electronics Ltd च्या प्लांट मनुष्यबळ विभागाचे संतोष बाळू कारंडे, रा. कडवेनगर पाथर्डी फाटा यांनी फिर्याद दिली. वाडीवऱ्हे येथील गजरा वेअर हाऊसमधून ४० हजाराची एसीमध्ये लावण्याच्या कॉपरच्या नळ्या, ५५ हजाराची यामाहा मोटारसायकल, ५० हजाराची बजाज मोटारसायकल असा एकूण १ लाख ४५ हजाराचा मुद्धेमाल चोरी करून नेतांना पाठलाग करून पकडण्यात आला. या चोरीप्रकरणी सागर विष्णू वाघ, वय २४, रा. काजीसांगवी, ता. चांदवड, सौरव संतोष घुगे, वय १९, आदित्य संपत मुतडक, वय १९, १ विधीसंघर्षित बालक सर्व रा. वाडीवऱ्हे, ता. इगतपुरी, १ विधीसंघर्षित बालक सर्व रा. बेलगाव तऱ्हाळे, ता. इगतपुरी या ५ जणांना अटक करण्यात आली आहे. भारतीय न्याय संहिता कलम ३०३ (२), ३०५, ६२, ३ (५) प्रमाणे गुन्हा दाखल करून तपास सुरु करण्यात आला आहे.
