इगतपुरीनामा न्यूज – ग्रामीण भागातील विद्यार्थ्यांना दर्जेदार शैक्षणिक व भौतिक सुविधा उपलब्ध करून देण्याच्या उद्देशाने, राउंड टेबल इंडिया (NSRT 245) आणि नाशिक सिनर्जी लेडीज सर्कल (204) यांच्या विद्यमाने जि. प. शाळा, आडवण येथे २ नवीन वर्गखोल्या व स्वच्छतागृहाच्या बांधकामाचे भूमिपूजन उत्साहात संपन्न झाले. शिक्षणाची गुणवत्ता सुधारण्यासोबतच विद्यार्थ्यांना स्वच्छ, सुरक्षित वातावरण मिळण्यासाठी हे काम मंजूर आहे. यामुळे शाळेच्या भौतिक सुविधांमध्ये भर पडणार असून विद्यार्थ्यांचा शैक्षणिक दर्जा उंचावण्यास मदत होणार आहे. कार्यक्रमाच्या अध्यक्षस्थानी शिक्षण विस्ताराधिकारी मंजूषा साळुंखे होत्या. याप्रसंगी राउंड टेबल इंडियाचे चेअरमन दमनजित चढ्ढा, सेक्रेटरी आश्विन मुराबी, व्हा. चेअरमन अरनेम आहेर, माजी पदाधिकारी अमित बर्डिया, अनुराग श्रीवास्तव यांच्यासह नाशिक सिनर्जी लेडीज सर्कलच्या चेअरपर्सन गुरमोहेना चढ्ढा, सेक्रेटरी वर्षा सोमाणी, प्रोजेक्ट कन्व्हेनर ऋतु वैश्य, गटशिक्षणाधिकारी बाळासाहेब मुंढे, केंद्रप्रमुख सोमनाथ एखंडे, सरपंच निकिता आघाण, उपसरपंच पांडुरंग कोकणे, शाळा व्यवस्थापन समितीचे अध्यक्ष गणेश आडके, गोटीराम शेलार, सतीश शेलार, नामदेव कोकणे, तानाजी कोकणे, डॉ. रवींद्र क्षिरसागर आणि ग्रा. पं सदस्य, व्यवस्थापन समिती सदस्य व ग्रामस्थ मोठ्या संख्येने उपस्थित होते. विद्यार्थ्यांना केवळ अभ्यासासाठी वर्गखोल्याच नव्हे, तर आरोग्याच्या दृष्टीने अत्यंत आवश्यक असलेली स्वच्छतागृहांची सुविधा या प्रकल्पामुळे मिळणार आहे. सामाजिक दातृत्वातून उभारल्या जाणाऱ्या या उपक्रमाचे सर्वांनी कौतुक केले. कार्यक्रमाला मुख्याध्यापक कैलास बोढारे, शिक्षक समाधान जाधव, राजश्री पवार, अशोक भांगे, सचिन गायकवाड, रोहिणी सोनवणे, वर्षा खैरनार, सतिश खरात, विलास बांगर व जयश्री गायकवाड यांनी सहकार्य केले.
