भास्कर सोनवणे : इगतपुरीनामा न्यूज – इगतपुरी, घोटी, त्र्यंबक, शहापूर, अकोले आणि संपूर्ण नाशिक जिल्ह्यातील ग्रामीण व शहरी भागातील रुग्णांसाठी एक दिलासादायक आणि अभिमानास्पद बातमी समोर आली आहे. आपल्या सेवाभावी आणि उत्कृष्ट विश्वासार्ह वैद्यकीय उपचारांसाठी सर्वदूर लोकप्रिय असलेले येथील ‘मातोश्री हॉस्पिटल’ आता मुंबई नाशिक महामार्गावरील एका नव्या, भव्य आणि अत्याधुनिक सुसज्ज इमारतीत दिमाखात स्थलांतरित होत आहे. रुग्णांच्या सेवेसाठी सज्ज झालेल्या या नूतन इमारतीचा भव्य उदघाटन सोहळा गुरुवारी १५ ऑक्टोबरला सायंकाळी ४ वाजता नाशिकचे पालकमंत्री ना. गिरीश महाजन यांच्या हस्ते संपन्न होणार आहे. यावेळी जिल्ह्यातील विविध मान्यवर पदाधिकारी उपस्थित राहणार आहेत. अत्याधुनिक यंत्रसामग्री आणि दर्जेदार वैद्यकीय सुविधांद्वारे किचकट, गुंतागुंतीच्या शस्त्रक्रिया आणि अत्युत्कृष्ट परिणामकारक उपचारांसाठी मातोश्री हॉस्पिटलने संपूर्ण परिसरात वेगळी ओळख निर्माण केली आहे. गरीब व सामान्य नागरिकांसह समाजातील प्रत्येक स्तरातील घटकाला परवडणाऱ्या दरात अत्याधुनिक वैद्यकीय सेवा उपलब्ध करून देणे हे या रुग्णालयाचे मुख्य वैशिष्ट्य आहे. आता नव्या इमारतीत प्रवेश केल्यामुळे रुग्णालयाची क्षमता आणि सुविधा आणखी वृद्धिंगत झाली आहे.
मेट्रोपोलिटन दर्जाचे उपचार आता घोटीतच होणार आहेत. जे उपचार मिळवण्यासाठी नाशिक, मुंबई किंवा पुणे गाठावे लागत होते, तेच उच्च दर्जाचे वैद्यकीय उपचार आता घोटीसारख्या ग्रामीण निमशहरी भागात उपलब्ध होणार आहेत. यासाठी अत्याधुनिक यंत्रसामग्री उभारण्यात आली आहे. रुग्णांच्या अचूक निदानासाठी आणि यशस्वी उपचारांसाठी अत्याधुनिक तंत्रज्ञानाने सुसज्ज उपकरणे व यंत्रसामग्री या नव्या इमारतीत दाखल झाली आहे. हॉस्पिटलचे संचालक डॉ. जितेंद्र चोरडिया आणि डॉ. हेमलता चोरडिया यांच्या कुशल मार्गदर्शनाखाली आणि वैद्यकीय अनुभवाखाली रुग्णांना कायमच उत्तम आणि विश्वासू वैद्यकीय सेवा मिळत आली आहे. यापुढेही निरंतर वैद्यकीय सेवेसाठी हे हॉस्पिटल आणि तज्ज्ञ डॉक्टरांची फौज तत्पर आहे. या भव्य उदघाटन सोहळ्याला सर्व नागरिकांनी मोठ्या संख्येने उपस्थित राहावे, असे आवाहन हॉस्पिटलचे संचालक डॉ. जितेंद्र चोरडिया, डॉ. हेमलता चोरडिया यांनी केले आहे. मातोश्री हॉस्पिटलच्या या नव्या आणि भव्य इमारतीच्या स्थलांतरामुळे नागरिकांची प्रतीक्षा अखेर संपली आहे. आधुनिक तंत्रज्ञान, प्रशस्त परिसर आणि अत्यंत अनुभवी तज्ज्ञ डॉक्टरांची टीम यामुळे इगतपुरी, घोटी, त्र्यंबक, शहापूर, अकोले आणि संपूर्ण नाशिक जिल्ह्यातील हजारो रुग्णांना तातडीने जीवनदायी दर्जेदार उपचार मिळण्याचा मार्ग सुकर झाला आहे. यामुळे नागरिकांमध्ये आनंदाचे वातावरण निर्माण झाले आहे.
मातोश्री हॉस्पिटलमध्ये प्रधानमंत्री जीवनदायी योजना, महात्मा ज्योतीराव फुले जन आरोग्य योजना, राज्य कामगार विमा योजना आणि सर्व कंपन्यांच्या कॅशलेस मेडिक्लेमची सुविधा उपलब्ध असणार आहे.
