इगतपुरीनामा न्यूज – इगतपुरी तालुक्यातील प्रसिद्ध ‘केदारनाथ ग्रुप’तर्फे आयोजित करण्यात आलेली दक्षिण भारताची धार्मिक व सांस्कृतिक ‘केरळ ~ कन्याकुमारी ~ रामेश्वर ~ धनुष्यकुडी ~ मदुराई’ यात्रा अत्यंत उत्साहात आणि सुखरूपपणे संपन्न झाली आहे. हा ग्रुप दरवर्षी भारतातील प्रमुख तीर्थक्षेत्रांना सदिच्छा भेट देतो आणि यात्रेचे यशस्वी आयोजन करतो. या संपूर्ण यात्रेचे नियोजन व संचालन केदारनाथ ग्रुपच्या सर्व सदस्यांनी अत्यंत जबाबदारीने पार पाडले. प्रवासात कोणतीही अडचण निर्माण झाल्यास त्यावर मात करत सर्व सदस्यांनी यात्रेकरूंची उत्तम काळजी घेतली. या निस्वार्थ सेवेमध्ये डॉ. देविदास जोशी, विनोद भागडे, योगेश दुभाषे, विलास भगत, संदीप चव्हाण पाटील, धनराज चव्हाण, शिवा गतीर, ज्ञानेश्वर केणे, तुकेश चव्हाण, अनिल लंगडे, मनोज आडोळे तसेच केदारनाथ ग्रुपच्या इतर सर्व सभासदांनी मोलाचे योगदान दिले. त्यांच्या या उत्कृष्ट नियोजनामुळे सर्व यात्रेकरूंनी दक्षिण भारतामधील ऐतिहासिक आणि पवित्र तीर्थक्षेत्रांचे लीलया दर्शन घेतले. केवळ धार्मिक यात्राच नव्हे, तर सामाजिक बांधिलकी जोपासत केदारनाथ ग्रुपतर्फे दरवर्षीप्रमाणे याही वर्षी तिसऱ्या श्रावणी सोमवारच्या पवित्र निमित्ताने भाविकांना चिवडा, केळी आणि दूध वाटपाचा उपक्रम उत्साहात राबवण्यात आला. ग्रुपच्या या सामाजिक आणि धार्मिक कार्याबद्दल सर्वच स्तरातून त्यांचे कौतुक होत असून, यात्रेकरूंनी व नागरिकांनी ग्रुपच्या पदाधिकाऱ्यांचे मनःपूर्वक आभार मानले आहेत.
