इगतपुरीनामा न्यूज, दि. 27
इगतपुरी येथील श्री साई सहाय्य समिती व प्रभूनयन फाउंडेशनतर्फे खैरेवाडी या अतिदुर्गम आदिवासी पाड्यावर एक करंजी मोलाची हा उपक्रम अभिनव पध्दतीने राबवण्यात आला. दिवाळी सण सर्वत्र होत असला तरी आदिवासी पाड्यावर जाऊन त्यांच्याबरोबर तेजोमय दिवाळी साजरी करण्यात वेगळाच आनंद असतो. आदिवासी पाड्यावर आपण समाजाचे काही देणे लागतो या भावनेतून व आदिवासी बांधवांची दिवाळीही गोड व प्रकाशमय व्हावी या हेतूने आदिवासी बांधवांची दिवाळी गोड व्हावी म्हणुन प्रभूनयन फाउंडेशनचे अध्यक्ष आनंद मवनी यांच्या मार्गदर्शनाखाली तालुक्यातील खैरेवाडी येथील आदिवासी बांधवांना दिवाळी निमित्त मिठाई व कपडे वाटप करण्यात आले.
यावेळी समितीच्या सदस्यांनी या आदिवासी बांधवांमध्ये रमुन त्यांचा आनंद द्विगुणीत केला. यावेळी डॉ. जान्हवी यादव यांनी ग्रामस्थांना कॅन्सर विषयी प्रबोधन व मार्गदर्शन केले. इगतपुरी तालुक्यातील अतिदुर्गम भागातील खैरेवाडी येथे श्री साई सहाय्य समिती व प्रभूनयन फाउंडेशन यांनी आदिवासी बांधवाना फराळ, कपडे, मिठाई, फटाके वाटून त्यांच्या घरासमोर दीप प्रज्वलीत करून,रांगोळी काढीन दिवाळी साजरी केली. यावेळी शिक्षक श्याम आदमाने, शिवाजी फटांगरे, नितीन चांदवडकर, सुमित बोधक, डॉ. जान्हवी यादव, प्रमोद डेंगळे, नितीन शुक्ला, सौरभ सिंग, भूमी चांदवडकर, नयना ठाकरे, प्रिया शुक्ला, काजल सिंग, अमन संघा, रमण संघा, कार्तिक यादव ,सुभाष पाटील, रुद्र बरे, मयंक घाटकर आदी उपस्थित होते.