इगतपुरीनामा न्यूज – वाडीवऱ्हे पोलीस ठाण्याच्या हद्दीत नाशिक मुंबई महामार्गाच्या कडेला असलेल्या धोंगडे यांच्या वेअर हाऊससमोर पोल नं. ४४२/१००० जवळ २३ मार्च २०२६ ला एका ५० ते ५५ वर्षांच्या अज्ञात इसमाचा मृतदेह बेशुद्धावस्थेत (भिकारी अवस्थेत) पडलेला निदर्शनास आला होता. त्याला घोटी ग्रामीण रुग्णालयात उपचारासाठी दाखल करण्यात आले. मात्र वैद्यकीय अधिकारी डॉ. पल्लवी देशमुख यांनी तपासणी करून त्या इसमाला मयत घोषित केले होते. या प्रकरणी वाडीवऱ्हे पोलीस ठाण्यात अकस्मात मृत्यूची नोंद करण्यात आलेली आहे. मृत व्यक्तीचे अंदाजे वय ५० ते ५५ वर्षे असून रंग सावळा, नाक सरळ, चेहरा उभा, केस काळे बारीक, दाढी मध्यम काळी-पांढऱ्या रंगाची आहे. उजव्या डोळ्याच्या वर टेंगूळ/गाठ सारखे चिन्ह असून अंगात काळ्या रंगाचे गोल गळ्याचे टीशर्ट आहे. सदर मृत अज्ञात इसमाचे वारसदार किंवा त्याच्याविषयी काही माहिती असल्यास पोलीस निरीक्षक धिरज महाजन ९९२३३३८९८९, हवालदार एस. एम. गांगुर्डे ९८२३२०९५८९ यांच्याशी संपर्क साधण्याचे आवाहन करण्यात आले आहे.
